هتسمع و لا هتعلي الكاسيت و تطنش زي ما اتعودت

انا جايبلكم موضوع بجد جميل جداااااااااااااا
لكن الحقيقه ان صاحب الموضوع (صديق عمرىوحبيبى احمد)



شبابنا الجميل الطعم بجد هتزعل وتكرهنى وتتهمنى بالتخلف والرجعيه

طبعا انا بتكلم على نوعيه خاصه عارفه نفسها


عارفين ليه ؟؟



انا أحب أبدأ بالبنات عشان هما اللى لافتين أوى للنظر ،

لو حد فينا خرج فى الشارع دلوقتى وفى أى دقيقة من اى ساعة من أى توقيت من اى يوم ،

هتلاقى البنات ماشيين بمنظر عجيب

ساعات كتير بحس لما انزل من البيت و اشوف المنظر دا ان كلهم رايحين حفلة أو فرح أو كل واحده منهم دا يوم فرحها

لكن اكتشف بعد كدا انهم رايحين الكلية أو انهم راجعين من درس

درس ؟؟

آه و الله

بالمنظر دا !!

مش بقولك حاجه تحزن و تجنن


البنات دلوقتى الباديهات ضيقة جداً ، ، البناطيل ..... وممكن احجاب تصدقوا بقى




الواحد بيتكسف من الكلام و هما مش مكسفوين من مناظرهم دي


يا ترى دول فاكرين انهم كده ممكن يتخطبوا ؟؟؟؟؟

أنا عن نفسي البنت اللى زى دى بتسقط من نظرى

والله البنات دول بجد نازلين من بيتهم عشان يتعاكسوا ويتدلعوا ويفرجوا الناس عليهم

دول شياطين وممكن شاب عينيه تسرح مع واحده منهم غصب عنه

بس كل اما يطنش واحده وما يبصلهاش يلاقى واحده غيرها

و المشكلة انهم كتيييييييييير

، الشباب غلبان بجد والله يكون فى عون كل شاب .


بس السؤال اللى عايز أطرحه ......

و هو اكتر حاجه محيراني

هو البنات دى ليها بابا وماما واخوها وكده ؟؟

يعنى البنت اللى بتعمل الحاجات دى وبتلبس الهدوم دى ... أبوها بيشوفها ؟

وأخوها شايفها وهى نازله ؟ وأمها سايباها ؟؟


دى تبقى مصيبة ويبقى احنا هنرجع لعصر الجاهلية بقى زى زمان كل شىء مباح !!!!



إلى كل بنت

مش هقولك انت السبب في كل دا لوحدك

المجتمع أكيد اثر عليكي

و الثقافات الغربية بوظت عقلك

و اهلك ادولك حرية زيادة شويه

تمام

لكن رغم ان كل الحاجت دي السبب في اللي انتي فيه

محدش هيتحمل النتيجة غيرك

اوعي تكوني فاكرة انك لما تخرجي الناس كلها بتتفرج عليكي هتتخطبي

خديها كلمة

إنسي

اه و الله

رغم انك جميلة و حلوة و كل حاجه

لكن معلش في الكلمة لما اقولك

انتي
second hand

عارفة يعني ايه

يعني اللي بيخطب دا عاوز واحده هو الوحيد اللي يشوفها و يحس بجمالها ليه لوحده

اما انتي

فكل الناس شافتك و حفظتك و اتفرجت عليكي زي ما هما عاوزين

و هما كمان اعطولك مقابل دا _ مفيش حاجه ببلاش _

ملايين من الذنوب و السيئات

عاوزه ذنوب كمان ؟؟

و لا كفاية كدا

و نعقل قبل فوات الاوان ؟

مش عارف اقتنعتي و لا لسه

بس خلي بالك

لما تتحاسبي يوم القيامة هتلاقيني بشهد عليكي

و اقول يا رب بلغتها و نصحتها

اكيد مش هتعرفي تردي ساعتها

غريبة رغم انك دايما صوتك عالي و مش بتخافي من حد


أقولك

كفاية كدا و أكيد كلامي و صل

و الدور عليكي

اما تنفذي

و انتي الكسبانه

أو تنفضي

و انتي بس الخسرانه


.......




أما بقى الشباب الروش

اللى مش بسامح نفسى لما بقول عليهم رجالة .... أنا مش عارف إيه اللى حصل لهم ؟؟؟

انا بصراحة بسميهم ( ذكورا ) لانهم ميستهلوش كلمه رجل



أه و الله

اللى موقف شعره زى اللى متكهرب واللى لابس تى شيرت بترتر ولونه موف وروز

طيب ما يلبس جيبة وبادى بقى وفستان كمان !!!!!

وهو لابس طبيعى سلسله

وياجمالهم الشباب اللذيذ اللى بيلبس بنطلون ويسقط البنطلون لغاية ركبته

دول كوم والشباب اللى ماشى يضحك ع البنات ويمشى مع دى ويكلم دى

وهو عارف إنه مش هيخطبها ومش هيكمل معاها ،

عشان أساسا هو عارف إنها مش كويسة ،

بس بيقضى وقت وبعدين يطنشها ، أو يعمل اى مشكلة معاها عشان يسيبها .


وأخر حاجة عن الشباب الأمور ، الشباب دلوقتى اهم حاجة يركب عربية ويشيل موبيل نظيف ،

ومفيش فى جيبه مليم ولا بيشتغل ولا بيدور على شغل ومش كده وبس ده ماشى مع واحده بيحبها

وبيصرف عليها ويجيبلها هدايا ،

طيب منين؟؟

من عرق أبوك يا طفل !!

يا عيل ؟؟

طيب لما تبقى بتشتغل ابقى إعمل اللى انت عايزه !!


.....

إلى كل شاب

"بيس يا مان"

مش بتقولوا كدا برده ؟

مش هقولك غير كلمه واحده


خليك شيك وروش وزى الفل

لكن ...

شوف الرجالة بجد عاملين ازاي و حاول تخليك راجل زيهم

عارف راجل يعني ايه ؟؟

مش شنب و صوت عالي و تحكم...

لأ

راجل يعني أدب

يعني مسئولية

يعني غيره على اهل بيتك و قرايبك و جيرانك

يعني احترام مع زملاتك في الجامعة

يعني حاجات كتير اكيد انت مسمعتش عنها

بس جه الوقت علشان تسمع

يا ترى ؟؟

هتسمع و لا هتعلي الكاسيت و تطنش زي ما اتعودت

هههههه حقيقي كلامك على الشباب دول اثر فيا قوي ده مش يعني اني واحد منهم طبعا لأ

يا ريت يسمعوا كلامك و يتغيرو بس للأسف الي بيقرا اول كلمتين ويشوف الكلام ده يقول يا عمي كل يوم بنسمع الكلام التافه ده ويقفل الصفحه ...

مشكور يا ميتو ياريت الشباب تسمع